Dy shtetas shqiptarë në Gjermani kanë rënë pre e një sulmi, teksa mësohet se njëri prej tyre ka ndërruar jetë.
Sipas mediave gjermane, shqiptarët e moshës 30 dhe 31 vjeç u gjetën në Meinestraße në rrethin Volfsburg Vorsfelde, dhe u transportuan më pas në spital.
Njëri prej tyre humbi jetën më vonë si pasojë e plagëve të marra, kurse shtetasi tjetër ndodhet akoma në spital dhe nuk dihet akoma gjendja e tij shëndetësore.
Gazeta gjermane Bild shkruan se, në drejtim të tyre janë dëgjuar disa të shtëna zjarri që vinin nga një makinë, duke vërtetuar faktin se agresorët kanë qenë përgatitur për këtë atentat.
Viktima është identifikuar si Keidi Pasha. Hetuesit siguruan prova në vendngjarje, kontrolluan rrobat e viktimës për të dhëna për detaje.
