Policia e Tiranës ka vënë në pranga një administrator lokali, pasi tregtonte kokainë në ambientet e barit.

Sipas informacioneve të uniformave blu në pranga ka rënë Orial Peçi, 37 vjeç, banues në kryeqytet, ndërsa nisi hetimi në gjendje të lirë për shtetasit me inicialet E. B., 24 vjeç, dhe A. Ç., 20 vjeç, pasi akuzohen për ‘moskallëzim krimi’.

 Gjithashtu u proceduan në gjendje të lirë, pasi nuk kanë treguar për sasinë e lëndës narkotike shtetasit, E. B., 24 vjeç dhe A. Ç., 20 vjeç, banues në Tiranë.

 NJOFTIMI I POLICISE
Vijon puna për goditjen e paligjshmërisë

Gjatë kontrolleve të ushtruara ditën e djeshme në lokalet e kryeqytetit është arrestuar administratori i lokalit për “Trafikim lëndësh narkotike” dhe “ Përshtatje lokali për përdorim droge”, si dhe janë proçeduar në gjëndje të lirë dy shtetas të tjerë për moskallzim krimi. Më datë 22.04.2018, seksioni i narkotikëve pranë D.V.P. Tiranë, arrestoi në kushtet e flagrancës shtetasin:

– Orial Peçi, 37 vjeç, banues në Tiranë, me detyrë administrator lokali.

Gjatë kontrollit të ushtruar në një lokal në rrugën “Pashko Vaso”, shtetasit të mësipërm i janë gjetur 7 doza lënde narkotike e dyshuar e llojit kokainë.

Gjithashtu u proceduan në gjëndje të lirë, pasi nuk kanë treguar për sasinë e lëndës narkotike shtetasit:

– E. B., 24 vjeç, banues në Tiranë.
– A. Ç., 20 vjeç, banues në Tiranë.
Materialet ju referuan Prokurorisë së Rrethit Gjyqësor Tiranë për veprime të mëtejshme në ngarkim të shtetasit O. P., për veprat penale “Trafikim i lëndëve narkotike” dhe “Përshtatja e lokaleve për përdorim droge” parashikuar nga nenet 283/1 dhe 285/a Kodit Penal dhe për veprën penale “Moskallzim Krimi”, në ngarkim të shtetasve E. B., dhe A. Ç., parashikuar nga neni 300 i Kodit Penal.