Një oficeri të Krimeve në Policinë e Shkodrës, Arber Dulit, i kanë djegur makinën. Ngjarja në fjalë raportohet se ka ndodhur rreth orës 04:00 të mëngjesit të sotëm në lagjen “Mahalla e Çakajve” në Shkodër.
Sipas burimeve policore dyshohet për një zjarrvënie. Mjeti është dërguar në policinë e Shkodrës dhe vijojnë hetimet për zbardhjen e plotë të ngjarjes. Oficeri Arber Duli punon prej disa vitesh në policinë e Shkodrës dhe së fundmi mban detyrën në sektorin e krimeve.
