Ish-kryetari i Bashkisë së Pukës, ka humbur betejën me COVID-19. Beqir Arifaj ishte transportuar në Turqi, për një ndihmë më të specializuar. 66-vjeçari ka humbur sot jetën në një spital në Turqi.
Lajmi i hidhur bëhet i ditur nga miq dhe të afërt të të ndjerit, përmes mesazheve prekëse në rrjetet sociale.
“Me hidhërim të thellë njoftojmë ndarjen nga jeta të Z. Beqir Arifaj. Ai ishte një personalitet mjaft aktiv i jetës politike, sociale dhe ekonomike të zonës së Iballes dhe Pukës. Ngushëllimet tona familjes Arifaj”, thuhet në një mesazh.
Prej vitit 2011-2015, Beqir Arifaj shërbeu si kryetar i Bashkisë së Pukës nën siglën e Partisë Demokratike.
