Dy shtetas shqiptarë janë arrestuar nga policia italiane, pasi akuzohen për trafikim të lëndëve narkotike.
Sipas mediave italiane, në pranga kanë rënë shtetasit Fati Xeka i cili banonte në Parma dhe Robert Lusha që jetonte në Brescia.
Fati Xeka mësohet se ishte një emër i njohur i policisë italiane, i arrestuar dhe dënuar disa herë për prodhim dhe shitje të lëndëve narkotike. Karabinierët kontrolluan banesën e tij ditën e djeshme, ku gjetën edhe shqiptarin tjetër të identifikuar si Robert Lusha.
Ata kanë gjetur sasi të konsiderueshme heroine, kokaine dhe lëndësh të tjera narkotike. Po ashtu, karabinierët sekuestruan edhe para të gatshme, të dyshuara të ardhura nga veprimtaria kriminale.
