Drejtori i Përgjithshëm i Policisë së Shtetit, Ardi Veliu ka urdhëruar sekuestrimin në kushte emergjence për 3 automjete të blinduara.
Vendimi u mor në bazë të nenit 19 të Aktit Normativ nr. 1, datë 31.01.2020, në zbatim të ligjit special për masat pasurore ndaj individëve të dënuar apo akuzuar për krim të organizuar.
Bëhet me dije se makinat e sekuestruara janë në pronësi të shtetasve:
Saimir Taullaut, banues në Lushnjë, i dënuar për veprën penale “Prodhimi dhe shitja e narkotikëve”;
Dashamir Gjoka, banues në Durrës, i dënuar në Itali për trafik të qenieve njerëzore;
D. B., banues në Krujë, i dënuar për veprën penale “Vjedhja me armë”.
