Prokurorët e zgjedhur të SPAK do të bëjnë betimin në Presidencë të enjten më datë 19 dhjetor.
Përmes një postimi në Facebook, Tedi Blushi sqaron se ceremonia do të mbahet në mëngjes në orën 09:30.
“Presidenti i Republikës, Sh. T. Z. Ilir Meta, në përgjigje të kërkesës së Këshillit të Lartë të Prokurorisë dhe në bashkëpunim me Kryetarin e KLP-së, z.Gent Ibrahimi, në mbështetje të nenit 61 pika 2 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë” të ndryshuar”, ditën e enjte, në datën 19 dhjetor 2019, ora 09:30, organizon ceremoninë e betimit të 8 (tetë) prokurorëve të emëruar në Prokurorinë e Posaçme (SPAK)”, shkruan Blushi në postimin e tij.
Tetë prokurorët do të marrin një mandat 9-vjeçar në SPAK, pa të drejtë riemërimi.
Anëtarët e SPAK:
- Altin Dumani, prokuror në Prokurorinë e Apelit Tiranë
2. Arben Kraja, prokuror në Prokurorinë e Përgjithshme
3. Behar Dibra, prokuror në Prokurorinë e Krimeve të Rënda
4. Edvin Kondili, prokuror në Prokurorinë e Krimeve të Rënda
5. Elida Celami (Kaçkini) prokurore në Prokurorinë e Tiranës
6. Ened Nakuçi, prokuror në Prokurorinë e Krimeve të Rënda
7. Enkeleda Millonai, prokurore në Prokurorinë e Elbasanit
8. Klodian Braho, prokuror në Prokurorinë e Krimeve të Rënda
