Sikundër e premtoi, Zv. presidentja e “Fundjavë Ndryshe”, Emina Cunmulaj ka çuar deri në fund premtimin e dhënë, për ti ndërtuar një shtëpi familjes Poçi. Ajo dha lajmin e jashtëzakondshëm muajin e kaluar në “Historia e Fundjavës” në Klan Plus, se do merrte përsipër ndërtimin e shtëpisë, duke i mbyllur plagët kësaj familje.
Misioni i saj është çuar deri në fund, pasi punimet kanë nisur. E pranishme në vendin ku po ndërtoheshe banesa, familjarët u prekën dhe u përlotën. E përfshirë në emocione të tilla, Emina Cunmulaj dhuroi buzëqeshje dhe shpresë jete, aty ku varfëria i kishte mposhtur.
”Do bëheni me një shtëpi të bukur”, tha Emina. Tashmë ata kanë një tjetër motiv për të jetuar, e ndërsa punimet po ecin me një ritëm të shpejtë.
Drejtuesi i fondacionit “Fundjavë Ndryshe”, Arbër Hajdari, i cili ka ndjekur nga afër punimet, tha se brenda një periudhe 3 javore, familja do të gëzojë shtëpinë e re. Arben Poçi jeton në fshatin Dardhë, Librazhd, në një çadër.
Familja e tij me 4 fëmijë jeton në një çadër. Arbeni ka pësuar një incident kur ishte 2 vjeç, dhe ka humbur njërën dorë. Pavarësisht pamundësisë, ai gjatë verës mbledh bimë medicinale në mal dhe i shet. Pak kohë më parë, Arbenin e ndihmuan disa fqinj, miq e të afërm për të ndërtuar një shtëpi. Por për shkak të pamundësive, fizike dhe ekonomike, ai nuk mundi të ndërtojë shtëpinë. Aty ku ai kishte humbur shpresat, Emina ishte një dritë shprese në fund të tunelit.
TIRANA TODAY
