Irani do të ngrejë padi ndaj SHBA-së për krime lufte. Sipas Teheranit zyrtar, vrasja e gjeneralit Qasim Soleimani është në shkelje të të drejtave të njeriut dhe të ligjeve ndërkombëtare.
“Ne do të ngremë padi në Republikën Islamike, Irak dhe Gjykatën Ndërkombëtare në Hagë kundër ushtrisë dhe qeverisë së Amerikës dhe kundër Trumpit. Nuk ka dyshim që ushtria amerikane ka bërë një akt terrorist me vrasjen e Komandantit të Gardës Revolucionare, Gjeneral Lejtnant Qassim Soleimani”, ka thënë Gholam Hossein Esmaeili, zëdhënës i çështjeve juridike të Iranit.
Kujtojmë që gjenerali iranian u vra në një sulm me dron në Bagdad në fillim të muajit. Eliminimi i tij krijoi tension ndërmjet dy shteteve. Irani ka premtuar hakmarrje në çdo formë. Deri tani janë sulmuar dy baza amerikane me raketa balistike nga Irani.
