Vrasja e Can Kariçit në Kodër-Kamëz, është regjistruar nga 4 kamera sigurie të bizneseve pranë vendit ku ndodhi vrasja. Grupi hetimor ka sekuestruar pamjet e kamerave, për të zbardhur krimin e rëndë.
Autorët kanë qenë të maskuar me kapele. Pistat hetimore për vrasjen e Can Kariçit në Kodër –Kamëz janë fokusuar në të shkuarën kriminale të viktimës, pasi rezulton se i riu ishte pjesë e një grupi kriminal, ku bënin pjesë edhe dy viktimat e ngjarjes së ndodhur në 13 nëntor në Astir, Eriges Mihasin dhe Armand Dumani.
Karriçi ka qenë një person me precedent penalë, dhe është arrestuar më parë për “plagosje me dashje” në Tiranë dhe për “armëmbajtje pa leje”.
I riu që rezultonte me precedentë të mëparshëm penalë u vra mbrëmjen e kaluar, rreth orës 19:56, në Kodër Kamëz, në rrugën “Nikoll Vatnikaj”. Ai u gjet në gjendje të rëndë brenda automjetit me targa të huaja, teksa ndërroi jetë rrugës për në spital. Persona ende të paidentifikuar i kanë bërë pritë para “Golf 4”, dhe e kanë qëlluar me armë. Të dyja anët e rrugës që lidh Bathoren me Institutin kanë kamera, të cilat do të kqyren.
