Për herë të parë, qyteti i Elbasanit nuk do të mirëpresë qytetarët për të festuar Ditën e Verës. Kjo masë është ndërmarrë për shkak të personave të infektuar me koronavirus në vendin tonë.
Në një mbledhje me Task-Forcën e shëndetësisë, kreu i qeverisë bëri me dije se institucionet arsimore do të mbyllen për një periudhë 2 javore, ndërsa do të pezullohen fluturimet drejt Italisë veriore dhe zonave të kuqe, deri më 3 prill.
Këto masa janë marrë pas konfirmimit se në vendin tonë janë infektuar me koronavirus dy persona, babë e bir, të cilët janë kthyer nga Firence e Italisë.
Po ashtu pezullohen edhe të gjitha aktivitetet kulturore, sportive apo konferencat deri më 3 prill.
