Një 36-vjeçar ka rënë në prangat e policisë, pasi ka kërcënuar me jetë bashkëshorten dhe familjarët e saj. Sipas njoftimit të policisë, personi i arrestuar është shtetasi me iniciale F.M., 36 vjeç, banues në Elbasan.
36-vjeçari kërcënonte se do t’i vriste me granata të cilat i kishte të fshehura në shtëpinë që kishte në fshatin Bizhutë e Poshtme.
Ndërkohë, uniformat blu kanë bërë të mundur sekuestrimin e 27 copë granatave difensive dhe ofensive.
Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Prodhimi dhe mbajtja pa leje i armëve luftarake, armëve shpërthyese dhe i municionit” dhe “Dhuna në familje”.
