Zbardhen të tjera detaje lidhur me ekzekutimin e 39-vjeçarit, Emiljano Ramazani, mesditën e sotme në Elbasan.
Pas këqyrjes së kamerave të sigurisë, mësohet se në mjetin tip “Wolkswagen” e përdorur nga autorët kanë qenë 2 persona. Njëri prej tyre, rreth 25-30 vjeç, i cili ka qenë i maskuar ka qëlluar mbi Ramazani. Në pamjet e kamerës së sigurisë ai shihet se zbret nga makina dhe në rreth 2-3 minuta kryen aktin e rëndë.
Më pas ai shihet që të largohet rreth 15 metra nga vendi i atentatit, ku e priste makina. Mjeti largohet më pas me shpejtësi drejt aksit Elbasan – Papër, ku dhe u gjet mjeti i djegur i atentatorëve.
Makina rezultoi se ishte me targa të mbivendosura, të cilat ishin raportuar si të vjedhura disa ditë më parë.
