Aleksandër Lucaj dhe shoku i tij grek, Manolis Koukouras u dënuan sot me burgim të përjetshëm nga Gjykata e Athinës.
Ata u shpallën fajtorë për përdhunimin dhe vrasjen e studentes greke, Eleni Topaloudi, ngjarje kjo e ndodhur në nëntor të vitit 2018.
Mediat greke bëjnë me dije se gjatë seancës gjyqësore, pala mbrojtëse e 23-vjeçarit grek kërkonte masa lehtësuese me pretendimin se Koukouras është penduar.
Kjo kërkesë ka shkaktuar zemërim dhe dhimbje te prindërit e viktimës. Ata janë shprehur se askush nuk mund ta kthejë në jetë bijën e tyre të vdekur dhe se të dy autorët meritojnë dënimin maksimal.
“Fëmija im nuk kthehet më, çfarë masash lehtësuese?! Ai qen më përdhunoi dhe më vrau vajzën”, iu drejtua nëna e vajzës palës mbrojtëse.
“Jeta ime u shkatërrua. Meshkuj, meshkuj… të jeni me besë, mos u bëni si ata”, dëgjohet të thotë ajo pas daljes nga gjykata.
Ekzekutuan studenten greke, gjykata jep masën e dënimit për shqiptarin dhe grekun
