Kreshnik Tusha së fundmi është liruar nga burgu.
21-vjeçari, u ndalua nga policia për ngjarjen e 30 majit në Laç, ku mbetën të vrarë biznesmenët Paulin Gjergji dhe Bujar Lika.
Vendimin për lirimin e tij e mori Gjykata e Kurbinit, e cila ka ndryshuar masën e sigurisë për të riun, duke vendosur masën “arrest shtëpie”.
Raportohet se masa e sigurisë për Tushën u ndryshua pas identifikimit dhe prangosjes së dy autorëve të dyshuar të kësaj ngjarje.
Të arrestuarit janë Eduart Lamaj, autori kryesor i ngjarjes, dhe Ilir Xhepaj, ndërsa në kërkim janë ende bashkëpuntorët Elson Alija dhe Klaudio Përkola.
Ndërkohë, vijojnë hetimet në lidhje me vrasjen e dyfishtë.
