Pas ekzekutimit mafioz të avokatit Ravik Gurra, policia ka kryer edhe shoqërimet e para mbrëmjen e djeshme. Sipas raportimeve, dy persona të cilët shoqëronin avokatin Gurra dhe që janë edhe dëshmitarë të vrasjes së tij, janë marrë në pyetje gjatë natës nga policia.
Mësohet se të shoqëruarit ishin juristi i Bashkisë Elbasan, Arben Hoxha dhe Astrit Telhollari, mik i përbashkët i tyre. Personat e pyetur janë shprehur se gjithçka ndodhi papritur.
Dyshohet se autori është afruar në këmbë pranë Gurrës, për ta ekzekutuar. Më pas ai është larguar me shpejtësi nga vendngjarja, ku e priste dhe një makinë tjetër, që më pas u dogj në dalje të Elbasanit.
Policia po heton pistën e hetimit “vrasje për shkak të detyrës” për Gurrën. Ai u ekzekutua nga një pistoletë me seliniciator. Zona ku ka ndodhur atentati ka qenë e pajisur me kamera sigurie, dhe e ndriçuar. Gurra u ekzekutua në një lokal në qendër të Elbasanit.
