Eksperti i Universitetit të Oksfordit, Andrew Pollard, është shprehur pesimist lidhur me situatën me pandeminë. Sipas tij, jeta nuk do të kthehet në normalitet deri verën e ardhshme.
Mbajtja e maskës, me gjasë do mbahet deri në muajin korrik. Andrew Pollard e sheh si të zymtë situatën në mbarë botën, duke iu rikujtuar edhe një herë qytetarëve se ky virus është lehtësisht i transmetueshëm.
“Jeta nuk do të kthehet në normalitet deri verën e ardhshme. Mund të na duhen maska deri në korrik. Nëse arrijmë të kemi një vaksinë që është efektive në parandalimin e sëmundjes, kjo do të jetë mënyra më e mirë për të kontrolluar virusin.
Por, në planin afatmesëm, ne do të kemi nevojë për trajtime më të mira. Kur kthehet jeta në normalitet? Edhe nëse do të kishim mjaftueshëm vaksina për të gjithë, sipas mendimit tim nuk ka gjasa që rregullat, distanca fizike dhe maska të hiqen në një kohë të afërt.
Derisa të kemi një nivel të lartë të imunitetit te popullsia, kur mund të ndalojmë virusin, në mënyrë që njerëzit më të prekshëm të jenë imunë, do të ketë një rrezik. Mbajtja e maskës dhe distancimi shoqëror nuk ndryshojnë. Vetëm kur të bien rastet serioze, qeveritë mund t’i lehtësojnë masat. Ky virus është lehtësisht i transmetueshëm”, thotë Pollard.
