Sipas parashikimeve, pritet që muaji qershor të jetë final për mposhtjen e koronavirusit. Shumë studime po kryhen në këtë drejtim, e ndërsa bota është në izolim total.
Por një lajm shprese vjen nga këshilltari i Ministrit të Shëndetësisë të Italisë, Walter Ricciardi, i cili thotë se kjo luftë do të përfundojë në qershor.
Walter Ricciardi i cili është edhe Anëtar i Bordit Ekzekutiv të Organizatës Botërore të Shëndetit (OBSH), foli në RAI 3 për ndërprerjen e mundshme të krizës në Apenine. “Viruset në histori kanë qenë gjithmonë humbës. Ne me siguri do të fitojmë, por do të jetë një luftë në llogore që do të përfundojë në qershor”, është shprehur zyrtari.
Ricciardi gjithashtu shprehu shqetësimin për shpërnguljen masive të popullatës. Sipas tij, kur të përfundojë periudha e inkubacionit të viruseve, pasojat do ti përjetojmë javën tjetër.
“Në krahasim me ato që kanë ndodhur ditët e fundit, me lëvizjen e njerëzve nga veriu në Italinë e jugut, dhe tubimet e çmendura në vendet e jetës së natës, unë mendoj se do të paguajmë pasojat javën tjetër, kur të përfundojë periudha e inkubacionit të viruseve. Unë jam veçanërisht i shqetësuar për Romën dhe Napolin”, shtoi Ricciardi.
