Ekspertët i mëshojnë faktit se “instrumenti” i vetëm që mund të ringrejë sa më parë ekonominë është ndihma direkte për bizneset dhe familjet e prekura më rëndë nga kriza e koronavirusit.
“Ekspertët e ekonomisë shpjegojnë se paketa e tretë financiare duhet të fokusohet veçanërisht në sektorin e turizmit, që ka pësuar goditjen më të madhe gjatë kësaj periudhe. Për t’iu ardhur në ndihmë bizneseve, ata propozojnë edhe lehtësi të mëtejshme fiskale”, shkruan “A2”.
Gjithashtu ata vlerësojnë se prioritet duhet t’i jepet edhe investimeve publike në vend si dhe ruajtjes së vendeve të punës, për të shmangur një krizë të thellë të paralajmëruar nga institucionet financiare ndërkombëtare.
