Ekspertët mendojnë se koronavirusi vdekjeprurës do të qëndrojë për një kohë të gjatë.
Një ekspert i sëmundjeve infektive në Qendrën Johns Hopkins, Amesh Adalja shprehet se virusi nuk do të largohet pa injektimin e një vaksine përkatëse.
Sipas “Science alert”, eksperti thotë se rritja e mundshme e temperaturave mund të ndihmojë në uljen e shpejtësisë, të përhapjes së këtij virusi. Në këtë mënyrë edhe shkencëtarët do të kenë më shumë kohë, për të punuar me vaksinën kundër tij.
Por ai dyshon se virusi mund të mos largohet asnjëherë përfundimisht. Adalja shpreh shqetësimin se koronavirusi mund të largohet në stinët e ngrohta dhe të rikthehet sërish në vjeshtë dhe dimër.
