E hënë, 24 Janar, 2022
3.5 C
Tirana

Ekipi i ri drejtues i PS, shkrihet Ministria e Pandeli Majkos

Tre ministra do i bashkohen Erion Braçes në listën e të larguarve nga qeveria, në mandatin e ardhshëm të socialistëve. Braçes iu përmend emri nga kryeministri Edi Rama, vetëm si kandidat për kryesinë e partisë.

Elita Gjonaj e cila më herët ka drejtuar Ministrinë e Drejtësisë, ka marrë si detyrë Sekretare për Rolin e Gruas.

Blendi Klosi, nga Ministër Turizmi është emëruar sekretar Organizativ, post i cili më herët është mbajtur nga Servet Pëllumbi.

Anila Denaj nuk do të jetë më në qeveri si Ministre e Financave dhe Ekonomisë, por ka marrë detyrën e Sekretares së Burimeve Njerëzore.

Kryeministri Rama, pasi parashtroi objektivat e mandatit të tretë qeverisës, nisi me propozimet konkrete per kabinetin të ri Qeveritar dhe ekipin e ri drejtues të socialistëve.

Propozimi i parë ishte i Lindita Nikollës, e cila 4 vitet e ardhshme do të marrë stafetën e Gramoz Ruçit, si kryetarja e re e Kuvendit të Shqipërisë.

Ndryshimet

Numri dy i qeverisë në kabinetin e ri do të jetë Arben Ahmetaj, që merr postin që mbante Erion Braçe. Në këtë detyrë, sipas kryeministrit Rama, do të vijojë punën e rindërtimit për pasojat që shkaktoi tërmeti 2019-tës.

Qeveria e re nuk do të ketë më Etilda Gjonajn, e cila është zëvendësuar nga Ulsi Manja. Ky i fundit mbante postin e kryetarit të Komisionit të Ligjeve.

Ministrja e Financave në qeverinë e re do të jetë Delinda Ibrahimaj, e cila deri sot mbante postin e drejtoreshës së Përgjithshme të Tatimeve.

Ndërkohë që Ministrja e Bujqësisë, Milva Ekonomi është zëvendësuar nga Frida Krifca. Kjo e fundit mban aktualisht postin e drejtoreshës së Përgjithshme të AZHBR-së.

Milva Ekonomi do të jetë pjesë e qeverisë Rama, po si ministre ‘pa portofol’. Asaj i është besuar posti i Ministres së Shtetit për Standardet dhe Shërimit, dikaster i ri i formuar nga kreu i qeverisë.

Lexo edhe :   Rama: Presidentin e ri do ta zgjedhim ne, do i kthejmë dinjitetin asaj zyre

Blendi Klosi është zëvendësuar në kabinetin qeveritar nga Mirela Kumbaro, ndërkohë që ministria e Pandeli Majkos, ajo për Diasporën është shkrirë.

Lexo edhe :   Meta shpërndan dekorata në "21 Janar", Rama: Tallet me qytetarët!

Eduard Shalsi është zëvendësuar nga Edona Bilali, si Ministre për Mbrojtjen e Sipërmarrjes.

Elisa Spiropali vijon të jetë Ministrja e Shtetit për marrëdhëniet me Parlamentin.

Në kabinetin e ri futet për herë të parë Bora Muzhaqi, e cila do të ketë Ministrinë e Shtetit për Rininë dhe Fëmijët.

- Reklama -

Më shumë nga kategoria




Të fundit

Zgjedhjet e nxehta të 6 marsit, 10 pritshmëritë për 6 bashki

Nga: Roland Qafoku Vendimi për zgjedhjet e pjesshme lokale të 6 marsit më shumë duket si një pushim i detyruar i kërkuar nga trajneri në...

Recitoi mes dëborës/Meta: Vargjet e mia shqetësuan çunat e “Ballkanit të Hapur”

Kreu i Shtetit, Ilir Meta, është pyetur nga gazetarët sot për recitimin që bëri së fundmi në Korçë, ndërsa në qytetin juglindor kishte nisur...

Meta i përgjigjet “dhëmbë për dhëmbë” Ramës

Pa humbur kohë, presidenti Meta i është përgjigjur thumbave të kryeministrit Rama. Presidenti Ilir Meta i ktheu përgjigje deklaratave të Ramës, se më 6...

“Kreu i FSHF”, Meta: Dënoj çdo ndërhyrje të politikës, që synon shantazhimin!

Ndërsa foli për mediat pas homazheve te shtatorja e Ismail Qemalit, në bulevardin Dëshmorët e Kombit, Kreu i Shtetit, Ilir Meta është prononcuar edhe...

U ekzekutua nga një i mitur për hakmarrje, zbardhet ngjarja e rëndë në Lezhë

Një ngjarje e rëndë ka tronditur Lezhën. Një person është qëlluar për vdekje në fshatin Manati. Bëhet me dije se ka ndërruar jetë Lekë...