Einxhel “hakmerret” për Dagzin, duke dërguar në nominim Monikën. Mbrëmjen e djeshme, banorët e shtëpisë së “Big Brother VIP” kanë zhvilluar një shfaqje me performanca të ndryshme argëtuese dhe humoristike. Shfaqja ka përfshirë edhe disa ndarje çmimesh nga vetë votat e banorëve për njeri-tjetrin.
Banori më inteligjent i shtëpisë u shpall Einxhel Shkira, e cila u vendos para një zgjedhje të papritur. Si banorja më inteligjente, asaj iu komunikua që kishte të drejtë të çonte një banor automatikisht në nominim. Me anë të një zarfi, banorëve iu kërkua të shkruanin emra të rastësishëm për atë që u quajt “Çmimi surprizë”.
Emrat e shkruar ishin Monika, Arbri, Arjola, Einxhel, Beniada dhe Beatrix. Duke qenë se Arbri është imun dhe Einxhel dhe Beatrix janë pjesë e një televotimi, Einxhel duhet të zgjidhte mes Monikës, Arjolës dhe Beniadës për ta çuar në nominim për javën e ardhshme. Einxhel zgjodhi të çojë Monika Lubonjën. Këtë të premte, nga shtëpia e “Big Brother VIP Albania” rrezikojnë të dalin Donald, Einxhel dhe Beatrix.
