Prej vitesh, Edi Manushi ka prezantuar “Procesin Sportiv” në Top Channel. Në fillim ai ka qenë përkrahë Marina Vjollcës dhe Fjoralba Ponarit, dhe këtë sezon moderatori prezantoi së bashku me Nevina Shtyllën.
Dje në emisionin “E diell”, moderatorët janë vendosur përballë njëri-tjetrit, dhe i kanë bëre pyetje të ndryshme kolegëve. Në një moment, Edi Manushi pyet: “Einxhel Shkira, për çfarë oferte tjetër do të largoheshe ti vitin tjetër nga “E diell”?”.
Bukuroshja e ka pranuar haptazi se është e gatshme të hedhë një hap më tej në “Procesi Sportiv”. Kjo kërkesë është marrë me mjaft optimizëm nga ana e moderatorit, i cili është shprehur i gatshëm edhe për ti lënë stafetën.
“Manush në qoftëse më liron ti vendin tek ‘Procesi Sportiv’, do largohesha”, i thotë Einxhel duke qeshur, ndërkohë që Manushi i kthehet: “Ça thu ti mi?”, dhe duke qeshur ngrihet dhe i liron karrigen moderatores, e cila ulet pranë Nevina Shtyllës.
