Pas mesazhit të parë, që u shkoi qytetarëve në telefon, Rama ka zgjedhur një formë tjetër apeli.
Ai e ka nisur ditën me këngën e Vaçe Zelës, “Rrjedh në këngë e ligjërime”, shoqëruar me një video mjaft emocionuese, që tregon situatën në të cilën ndodhemi.
Sipas përditësimit të fundit, në Shqipëri janë 42 të prekur nga Covid-19, por vetëm 20 prej tyre trajtohen në Spitalin Infektiv. Një grua e moshuar nga Durrësi ka humbur jetën, si pasojë e virusit dhe për të parandaluar fatalitete të tjera, gjithë vendi është në izolim.
Sakaq, Organizata Botërore e Shëndetit raportoi të paktën 153.648 raste në gjithë botën. Sipas përllogaritjeve të Johns Hopkins University, realizuar me shifrat e OBSH dhe burimeve të tjera, në gjithë botën janë të infektuar rreth 167 mijë njerëz dhe 6.400 kanë humbur jetën.
