E hënë, 20 Shtator, 2021
28.5 C
Tirana

E vr*u për pronën/ “I trembem hakmarrjes”, vëllai i vras*sit kërkon mëshirë

Pak ditë më parë, një sherr mes kushërinjve për pronën në Lushnje përfundoi me një të vrarë. Autori i krimit, Kastriot Hasalla pritet të dalë sot para gjykatës, e ndërsa i vëllai i tij kërkon mëshirë për të mos u dënuar me burgim të përjetshëm. Kastriot Hasalla i vetëdorëzuar për vrasjen e Romeo Hasallës në Lushnje, ka dalë sot para Gjykatës së Shkallës së Parë, ku pritet ti komunikohet masa e arrestit. Vëllai i tij ka thënë se frika më e madhe ka të bëjë me hakmarrjen, e ndërsa me kushërinjtë ende nuk ka komunikuar.

“Dua mëshirë, jo me burgim të përjetshëm, por edhe pala tjetër e ka viktimën sepse dhe ai u fut në dhe djalë i ri dhe ai. Edhe ai bir nëne është ka lënë një fëmijë dhe një grua dhe se dëshiroj kurrë që të shkonte në atë fazë po kjo punë arriti.

I trembem hakmarrjes, se çfarë nuk bën vaki. Unë nuk e di se kur do të vijë vdekja, se po ta dija do thoja hajde më merr mua. S’kam kontaktuar me palën tjetër. Do shkoj të kontaktoj, le të më vrasin, nesër apo pasnesër do shkoj, duart do i lidh sipas zakonit do i then më vra ose mi zgidh, do shkoj ta ngushëlloj. Po të dojë të më vrasë, po do shkoj”, tha ai.

Autori: S’kam besim tek policia

33-vjeçari Kastriot Hasalla, i cili qëlloi në drejtim të kushëririt të tij Romeo Hasallës, duke e lënë të vdekur pas një konfliktit për tokën, u dorëzua në 31 korrik në policinë e Lushnjes. Dy ditë pasi policia e kërkonte për vrasjen e 30-vjeçarit, ai vendosi të dorëzohej përmes avokatit të tij, pasi është shprehur se nuk ka besim te policia.

Gazetarja: Pse u dorëzuat te avokati dhe jo te policia?

Kastriot Hasalla: Në polici nuk kisha besim, se nuk ka drejtësi. Për çfarë kam bërë mbaj përgjegjësi deri në fund. Çuni duhet të lirohet me gjithë vëllain, se nuk ka përgjegjësi fare. Unë kam qëlluar, mbaj përgjegjësi deri në fund. Mjetet e mia duhet të lirohen, se nuk e kanë bërë mjetet krimin, ka thënë ai më herët.

Avokati: Hasalla e ka kryer krimin në kushtet e tronditjes së thellë psikologjike

Lidhur me vetëdorëzimin në polici ka folur edhe avokati i tij, Ilir Dervishi, i cili tha se Hasalla e ka kryer krimin në kushtet e tronditjes së thellë psikologjike, pasi jeta e djalit të tij është kërcënuar nga pala tjetër me armë.

Ngjarja e rëndë ndodhi paraditen e 29 korrikut në Garunjas të Lushnjes. Autorët e dyshuar të ngjarjes u përplasën me viktimën, vëllezërit e tij dhe babain e tyre. Romeo Hasalla kishte vetëm dy ditë që kishte ardhur nga Greqia, dhe është baba i dy fëmijëve.

Familjet ishin në konflikt të vjetër për pronën, teksa rezulton se viktima me autorët ishin kushërinj të largët. Kushërinjtë Hasalla kishin konflikt prej vitesh në lidhje me një tokë në fshatin e tyre, që sipas nënës të të ndjerit ishte “tokë-shtet”, dhe ata kishin vendosur që të mbillnin disa degë ulliri. /Tirana Today

- Reklama -

Më shumë nga kategoria




Të fundit

Reciprociteti i targave/Kurti: S’ka për qëllim destabilizimin

Kryeministri i Kosovës, Albin Kurti, ka folur nga Kuvendi për reciprocitetin e vendosur për targat e automjeteve. Gjatë seancës së sotme parlamentare, Kurti theksoi...

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...