E hënë, 20 Shtator, 2021
28.5 C
Tirana

VIDEO/Rama i shpalli ‘luf*ë të hapur’, Peleshi shfaqet me Dritan Lelin në Vlorë

Situata me zjarret është përkeqësuar gjatë ditëve të fundit. Flakët kanë mbërritur edhe në zonat e banuara, duke ndezur sinjalin SOS në Gjirokastër, Dukat, Llogara dhe zona të tjera. Në qytetin e Gjirokastrës u shënua viktima e parë, dhe një e dëmtuar nga zjarret pasi situata kishte dalë jashtë kontrollit në fshatin “Asim Zeneli”. 64-vjeçari Andrea Haxhiaj humbi jetën nga asfiksia, ndërsa bashkëshortja e tij 57-vjeçe është në gjendje të rëndë. Situata në Lunxheri duket se ka qenë mjaft kritike, ku Ministri i Mbrojtjes Niko Peleshi kërkoi bashkëpunim të banorëve me strukturat shtetërore, për të zbatuar urdhrin e evakuimit në 3 fshatra të rrezikuar, “Krin”, “Asim Zeneli” dhe “Arshi Lengo”.

Pasi lajmëroi për shuarjen e vatrave të zjarrit në Gjirokastër, një tjetër vatër u ndez në mesditë. Ministri Peleshi u shfaq në Dukat të Vlorës. Ai ishte krah kryebashkiakut të Vlorës, Dritan Leli, me të cilin dihet që kryeministri i ka shpallur ‘luftë’ të hapur. Sikundër duken edhe nga pamjet e shpërndara në faqen e Facebook-ut të Peleshit, kryebashkiaku Leli shfaqet në krahë të tij. Mbetet për tu parë se cili do të jetë reagimi i Ramës.

Në një intervistë të dhënë në muajin korrik, kryebashkiaku i Vlorës Dritan Leli ka shmangur përplasjen e tij me Edi Ramën. Pavarësisht se Rama e ka quajtur edhe “të vdekurin e Bashkisë”, Leli nuk është kundërpërgjigjur me të njëjtën monedhë, por ka thënë se i ka parë kritikat si një promovim për Vlorën.

Duket se ka pasur një lloj hatërmbetje me ju? Nuk e di çfarë ka ndodhur, por sa herë bëhet fjalë për Vlorën, dukesh si tabelë qitje.

Dritan Leli: Shiko. Le ta marrim si promovim pozitiv të Vlorës, se në fund një lloj targetimi është. Duhet të shikojmë më tepër gjëra pozitive. Promovon më tepër qytetin. Ka pjesët e veta. Jemi këtu për të shijuar të bukurat e Vlorës.

Lexo edhe :   Pika vaksinimi në Universitete/Rama thirrje studentëve: Vaksinimi i detyrueshëm

Nuk ka asnjë hatër mbetje në lidhje me këto zërat kundër?

Dritan Leli: Unë jam njeri i gjerë. Pavarësisht se jam rritur në ishull, hapësira ishte e pafund. Ka ndikuar shumë në karakterin tim.

Lexo edhe :   Kurti lë pas inatet me Ramën dhe e uron për mandatin e tretë

Leli edhe më herët është munduar që të mos i hedhë “benzinë zjarrit”. Kryetari i Bashkisë, në një intervistë për mediat, ka folur mbi shqetësimet e bizneseve në Vlorë, për çështjen e muzikës duke thënë se krijohet ndotje akustike.

Leli ka mbajtur të njëjtën linjë si kryeministri Rama, ku tha se si bizneset ashtu edhe policia duhet të jenë në respekt të ligjit, ndërsa kërkoi mirëkuptimin e pronarëve të lokaleve në uljen e muzikës, që sipas tij, në shumë raste krijon probleme dhe kakofoni për turistët. /Tirana Today

- Reklama -

Më shumë nga kategoria




Të fundit

Reciprociteti i targave/Kurti: S’ka për qëllim destabilizimin

Kryeministri i Kosovës, Albin Kurti, ka folur nga Kuvendi për reciprocitetin e vendosur për targat e automjeteve. Gjatë seancës së sotme parlamentare, Kurti theksoi...

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...