Ditën e sotme, familja Seiti nga Memaliaj, ka marrë një tjetër lajm të trishtë. Bëhet me dije se pas 18 vjeçarit Qamil Seiti që humbi jetën dje nga Covid-19, ka ndërruar jetë dhe babai i tij, Luftar Seiti.
Babë dhe bir ishin të shtruar në spitalin “Shefqet Ndroqi”. I riu u nda nga jeta pasi kishte 100% të mushkërisë të prekur nga infeksioni. Fatkeqësisht, sot dhe i ati i tij ka ndërruar jetë.
Edhe gruaja e shtëpisë ishte infektuar me Covid-19, por ajo e ka lënë spitalin pasi ka arritur ta mposhtë sëmundjen.
Kurba e koronavirusit vijon të mbetet e lartë në vend, pasi në 24 orët e fundit u regjistruan 1.039 raste të reja dhe 15 viktima.
