Lëkundjet e fuqishme sizmike me magnitudë 6.6 ballë që tronditën Turqinë, u ndjenë edhe në ishullin Samos të Greqisë.
Mediat greke, shkruajnë se dy fëmijë të moshës 17 dhe 15 vjeç humbën jetën si pasojë e këtij tërmeti shkatërrimtar.
Fëmijët, një djalë dhe një vajzë, u nxorën nga rrënojat nga Mbrojtja Civile.
Sipas informacioneve, fëmijët po kalonin një rrugë të ngushtë dhe u zunë poshtë nga një mur që u shemb. Ata sapo kishin mbaruar shkollën dhe po shkonin në shtëpi, në kohën kur tërmeti goditi ishullin.
Një prej tyre u nxorr pa jetë nga rrënojat, ndërsa tjetri ishte gjallë por më pas, fatkeqësisht humbi jetën.
Ndërkohë, në Turqi deri më tani raportohen për 6 viktima dhe 202 të plagosur.
Dëmet materiale janë të shumta, teksa 20 pallatae janë shembur.
