Një shqiptar 48-vjeçar, i cili ushtron profesionin e kasapit, është vënë në pranga në komunën Suzzara, Itali, pasi ka plagosur me thikë bashkëshorten e tij 37-vjeçare, me të cilën ishte në proces divorci.
Sipas mediave vendase, ngjarja e rëndë ka ndodhur në parkingun e një qendre tregtare në prani të mjaft dëshmitarëve të rastit.
Gruaja është qëlluar disa herë me thikë në trup dhe aktualisht ndodhet e shtruar në spitalin e qytetit në gjendje të rëndë, por jashtë rrezikut për jetën.
Mësohet se shqiptari ka bërë debat me bashkëshorten, për asistencën ekonomike, që duhet të paguante për 3 fëmijët e tyre pas divorcit.
Gjatë arratisjes, 48-vjeçari ka tentuar të hidhet nga një mur i lartë mbi 3 metra, por është është bllokuar nga rreth 40 forca policore që kanë rrethuar zonën.
