Kledit iu dha mundësia të konsumonte mbrëmë një darkë të mirë, dhe të ftonte njërin prej banorëve, pasi këtë javë u zgjodh si lojtari i preferuar i shtëpisë.
Ai zgjodhi këngëtaren Beatrix Ramosaj, për të cilën kishte shprehur edhe më herët simpati si person. Kledi i rrëfeu djemve të shtëpisë interesin e tij për Beatrixin. “E pëlqej, doja ta njihja pak më shumë. Do t’ia lë kohës”, është shprehur ai.
Pak ditë më parë, partnerja e Kledit jashtë shtëpisë ka dhënë një intervistë në emisionin “Shqipëria Live”. Ajo tha se nuk ndjehet xheloze, dhe se Kledi është një djalë i dashur. “Nuk e shoh me aq dëshirë të madhe, natyrisht, por ai është Kledi, është i dashur. Më i dashur seç duhet, por nuk jam xheloze për këtë, sepse e di se si është Kledi”.
