Sot ka marrë detyrën Prokurori Përgjithshëm Olsian Çela. Pas votëbesimit të dhënë dje nga parlamenti, sot është bërë prezantimi i tij zyrtar në organin e akuzës. Stafeta i është dorëzuar nga paraardhësja Arta Marku.
Gjatë fjalës së saj, Marku ka treguar edhe detaje mbi njohjen që ka me Çelën. Ata të dy kanë qenë shokë klase. Përmendja e këtij detaje nga Marku si tregues që institucionin po e lë me mirëbesim.
Nga ana tjetër, edhe kryeprokurori i ri është përgjigjur me batuta gjatë fjalës së tij “e filluam me probleme”, duke iu referuar problemeve që kishte me mikrofonin.
Çela ka premtuar një angazhim më të fuqishëm të prokurorëve, pasi sipas tij pritshmëria nga populli është me rezultate konkrete, nisur dhe nga ndryshimet që ka kaluar organi i akuzës pas vettingut.
‘Rregulla të reja loje’ Kryeministri tregon se çfarë do ndryshojë brenda muajit
“E vlerësoj se sot është më e rëndësishme se kurrë më parë transparenca që duhet të sigurojmë ndaj medias e publikut si mënyra më e mirë për të rritur besimin e institucioneve tek puna e prokurorisë. E falënderoj kryeprokuroren Arta Marku për punën e bërë gjatë këtyre 2 viteve e vlerësoj se e ka bërë në një fazë mjaft të vështirë, tranzicioni ku vendi është përballur me probleme të mëdha e delikate. Besoj se ka bërë më të mirën e mundshme në këto kushte.
Tani hyjmë në një fazë të re, ka një konceptim tërësor të shtetit të së drejtës, institucioneve kushtetuese ku prokuroria ka pësuar edhe ndryshimet më rrënjësore dhe kërkon një angazhim e konceptim të ri për mënyrën si ky organ do funksionojë. Janë mundësitë dhe mbështetja e kapacitetet për ti dhënë vendit një të ardhme më të mirë, që Shqipëria të bëhet pjesë e familjes së madhe evropiane ku rezultatet e punës sonë kanë në rëndësi të jashtëzakonshme”.
