Gazetaren e njohur Sonila Meço e shohim tepër aktive në llogarinë e saj në “Instagram”, duke postuar foto jo vetëm nga emisioni që ajo moderon, por zgjedh të ndajë me ndjekësit, momente nga jeta e saj private.
Së fundmi, ajo ka publikuar disa foto nga oborri i shtëpisë së saj në fshatin turistik në Korçë, Dardhë, ku po kalon disa ditë pushimi me familjen. Nga pamjet e postuara, vihet re që banesa e gazetares i është përshtatur arkitekturës së zonës, pasi fasada e saj është punuar me gurë.
Përmes fotove, Sonila ka treguar pasionin dhe dashurinë që ajo dhe familja e saj kanë për lulet, teksa shprehet se në shtëpi të gjithë janë kopshtarë.
“Të ‘ushqesh’ një kopsht me lule nis me duart në pleh, por përfundon duke ushqyer shpirtin. Në shtëpizën tonë jemi të gjithë kopshtarë”, shkruan Meço, bashkangjitur fotove.
