Bota

E la të luante me lodra, nëna gjen 3-vjeçarin të mbytur në vaskë


               Publikuar në : 09:25 - 16/08/19 Enno

Një djalë 3 vjeç nga Anglia është gjetur i vdekur në vaskë, pasi mamaja e tij e kishte lënë vetëm të luante me lodra.

Aayan Ishaq u dërgua me urgjencë në spital pasi u gjet i mbytur në vaskë, nga mamaja e tij 28-vjeçare, Shahrish Idris, në Manchester të Anglisë.

Mamaja e tij u shpreh për autoritetet se e kishte lënë të luante në vaskë për 10-15 min. Ajo u dënua për neglizhim ndaj fëmijës, por arsyeja e vdekjes se fëmijës nuk është përcaktuar akoma, pasi edhe pas ekzaminimit në mort, arsyet e vdekjes në raport u shënuan si “të pasigurta”.

Gjykatësi, David Stockdale tha se ajo “nuk e dëmtoi Aayan” dhe “nuk shkaktoi vdekjen e tij”, por që ishte fajtore për “mizori duke e vënë atë në rrezik”.

Aayan u gëzua që kishte bërë banjë dhe rreth orës 9:00 ku edhe kishte marrë me vete lojërat Peppa Pig për të luajtur me to, pastaj e kishte kohën për gjumë. Gjatë kësaj kohe unë u ula për pesë ose dhjetë minuta në kuzhinë, zbrita poshtë për të marrë rrobat e tij, dhe të palosja disa të tjera gjithashtu”, ka thënë ajo në gjykatë.

Kur u ktheva nuk dëgjoja asgjë, me të hyrë në banjë e gjeta të shtrirë. Unë mendoj se ai e kishte të pamundur të përballej me këtë situatë. Kontaktova ndihmën e shpejtë, mjekët ishin në panik”, ka theksuar tutje ajo.

Ai ishte një djalë i bukur. Ai së fundmi kishte filluar në çerdhe, 15 orë në javë. Ai e pëlqente të shkonte atje. Ai gjithmonë më dëgjonte. Ai ishte thjesht djali i vogël i përsosur”, ka thënë nëna me lot në sy.

Kthehu
WhatsApp Denonco ne TT