Kryetarja e LSI-së Monika Kryemadhi është përfshirë në një debat mbrëmjen e sotme me ekonomistin Besard Kadian, teksa ishin të ftuar në emisionin “Open”.
Kryemadhi u shpreh se pasurinë e ka vënë me djersë, ndërsa shtoi se të ardhurat e familjes janë hetuar që në fillim nga Fatos Nano, më pas nga Berisha, si dhe nga kryeministri Rama.
“Kam çdo gjë me djersë. Fatos Nano, Sali Berisha, Edi Rama kanë hetuar ata mos ki merak ti. I kam kaluar të gjithë unë këta. Më kanë hetuar çdo fije floku. Dy partitë e kryesore ia kanë bërë shqiptarëve: Në ato maja rripa-rripa, njëherë ma hipe, njëherë ta hipa”, deklaroi Kryemadhi.
