I pranishëm në një aktivitet ku merrnin pjesë edhe polakë, kreu i qeverisë Edi Rama tha se ndihet keq që e ëma nuk është gjallë, pasi ishte shumë e lidhur me Poloninë. Si rrallë ndonjëherë, kryeministri Rama zbuloi se e ëma e tij Aneta Rama fliste polonishten si shqipen, pasi kishte jetuar e studiuar atje.
“Edhe pse dje i bëmë falenderimet me mirënjohje për fondacionin, më duhet që t’i përsëris sot aq më tepër kur bëhet fjalë për investime të tilla.
Duhet të falenderoj miqtë polakë. Më vjen keq që e ndjera nëna ime nuk është sot më. Ajo ishte shumë e lidhur shpirtërisht me Poloninë.
Kishte studiuar në Poloni, fliste polonisht njësoj si shqip, dhe sa herë ndodhte që të shikonte në televizor që unë të takoja ndonjë polak më pyeste; “hë si ishte, çfarë tha”?
Sikur kishte takuar ndonjë kushëri që s’kishte pasur kohë për t’i shkuar për vizitë në shtëpi”, tha Rama.
