Pak ditë më parë Alaska u trondit nga një tërmet i fuqishëm 7 ballë, i cili shkatërroi shtëpi dhe çau tokën në disa vende. Një familje ka publikuar pamjet nga brenda shtëpisë në momentin që ka rënë tërmeti, për të treguar se sa i frikshëm ishte tërmeti.
Pamjet e kamerave të sigurisë tregojnë kryefamiljarin që po qëndron ulur në dhomën e ndenjes së bashku me vajzën e vogël. Sapo ndjen dridhjet, ai merr fëmijën dhe del menjëherë nga shtëpia.
Pas tyre vrapon edhe bashkëshortja. Muret e shtëpisë nisën të dridheshin, po kështu edhe pajisjet e tjera shtëpiake.
Nga tërmeti i fuqishëm që ra më 30 nëntor në Alaska, nuk pati raportime për viktima. Shkollat në vend janë mbyllur deri më datë 10 dhjetor.
