Bujar Çela, vëllai i të shumëkërkuarit Talo Çela, u ekzekutua në orët e para të ditës në një atentat mafioz në Elbasan.
50-vjeçari u vra teksa po futej në një lokal në zonën e Bradasheshit. Kamerat e sigurisë kanë kapur tre autorët, të cilët i morën jetën vëllait të Talo Çelës. Një nga autorët ka qenë i armatosur me një pushkë dhe dy të tjerët me pistoleta, të cilët kanë qëlluar në harkun kohor prej 60 sekondash.
Pista kryesore e hetimeve është për shkak të përfshirjes kriminale të vëllait të tij, Talo Çela në grabitjen e Rinasit, si dhe dyshimet për disa vrasje në Durrës.
Në vendngjarje janë sekuestruar 20 gëzhoja. Bujar Çela ishte person pa precedent penalë, ndërsa punonte si taksist në të zezë.
Për kapjen e autorëve, policia ka ngritur pika kontrolli në hyrje dhe dalje të qytetit të Elbasanit.
