Ish-presidenti Bujar Nishani e ka cilësuar Lulzim Bashën si rast unikal në botë, i cili qëndron formalisht në zyrë edhe kur shumica dërrmuese e anëtarësisë dhe elektorati i asaj partie nuk e do më. Sipas tij, vetëm një hall i madh personal, e detyron të sillet ashtu.
Kujtojmë këtu se në 9 shtator, kryetari i PD-së Lulzim Basha vendosi të përjashtojë Sali Berishën nga grupi parlamentar i Partisë Demokratike, deri sa të zbardhet në rrugë ligjore vendimi për padinë e ngritur nga ish-kryeministri ndaj Sekretarit të Departamentit Amerikan të Shtetit, Antony Blinken.
Ky vendim e kapi në befasi ish-kryeministrin Berisha, i cili në shenjë revolte paralajmëroi nisjen e një turi takimesh me demokratët në gjithë vendin, me qëllim bindjen e tyre dhe mbledhjen e 1500 firmave, për të krijuar një referendum që të rrëzojë vendimin e kryedemokratit Lulzim Basha për përjashtimin e tij nga grupi parlamentar.
Statusi
Lulzim Basha është rasti unikal në botë, i një kryetari partie i cili qëndron formalisht në zyrë edhe kur shumica dërrmuese e anëtarësisë dhe elektorati i asaj partie nuk e do më dhe shprehet publikisht për këtë. Vetëm një hall i madh personal e detyron njeriun të sillet kështu ! Demokratët kanë për detyrë të zgjidhin hallin e partisë së tyre, jo të Lulzim Bashës.
