Kina dhe Rusia po punojnë bashkë për të krijuar një vaksinë ndaj virusit misterioz kinez. Lajmi është bërë i ditur nga zyrtarë rus, të cilët thanë se mostrat e virusit tashmë ndodhen në Moskë për analiza.
“Ekspertët rusë dhe kinezë e kanë filluar punën për zbulimin e një vaksine”, njoftoi konsullata ruse në provincën Guangzhou përmes një deklarate.
Edhe pse deri tani në Rusi nuk ka asnjë rast të konfirmuar, Kremlini i frikësohet ndonjë shpërthimi të virusit, duke qenë se ka shkëmbime të mëdha në njerëz ndërmjet dy vendeve.
“Pala kineze e ka dorëzuar gjenomin e virusit në Rusi, duke ua mundësuar shkencëtarëve tanë që të zhvillojnë teste të shpejta për identifikimin e virusit në trupin e njeriut brenda dy orëve”, thuhet në këtë deklaratë.
Kryeministri rus, Mikhail Mishustin, dha urdhër për hartimin e një plani nga autoritetet për sigurinë e konsumatorëve për parandalimin e përhapjes së koronovirusit.
