Pak ditë më parë, këngëtarja shkodrane Justina Aliaj tha në një prononcim të shkurtër nga spitali se ajo ‘u rikthye’ në jetë falë përkujdesjes së vazhdueshme të mjekëve. Ajo pranoi se nuk i kishte dhënë rendësinë e duhur virusit, duke menduar se ishte diçka kalimtare, deri sa gjendja e saj u përkeqësua tej mase.
Justina Aliaj prej dy javësh është shtruar në Spitalin Infektiv. Mësohet se gjendja shëndetësore e artistes është përmirësuar, dhe mjekët ja kanë hequr oksigjenin.
Lajmin e ka bërë të ditur në emisionin ‘ABC e Mëngjesit’, regjisorja Najada Elmazi, e cila u shpreh se lajmet rozë që kanë dal në media nuk janë të vërteta.
“Justina momentalisht qe po flasim është shumë mirë. Kanë dal nga ato lajmet rozë në media, që në të vërtetë ajo kur i dëgjoi këto lajme tha se në të vërtetë jam mirë”.
