Vendi ende vijon të jetë në traumë nga tërmeti që goditi Shqipërinë ditën e martë. Kujtojmë se deri tani janë rregjistruar 51 viktima dhe qindra persona të plagosur. Ndërsa dëmi në banesa mund të jetë kolosal.
Në Durrës, Thumanë, Laç, Lezhë, Tiranë, mund të jenë me mijëra banesa që janë dëmtuar nga tërmeti ose që janë kthyer në të pabanueshme.
Ndërkohë, policia në Durrës ka ndaluar ngjitjen e banorëve nëpër pallatat e rrezikuara. Në kushtet e psikologjisë së rënduar dhe shokut nuk kanë munguar dhe përplasjet. I tillë është rasti që raporton Tch, ku nga foto mund të shihet një banor i një prej pallateve të dëmtuara duke u zënë me një polic, pasi ky i fundit nuk e ka lejuar të ngjitet në ndërtesën ku banonte.
