Policia e Shtetit ka njoftuar se ka arrestuar një 21 vjeçar, banues në Durrës, pasi ka tentuar t’i largohet policisë me shpejtësi. Sipas njoftimit zyrtar, i riu nuk i është bindur urdhrit të policisë për të ndaluar dhe ka tentuar të largohet me shpejtësi.
Menjëherë patrullat e policisë janë vënë në ndjekje të tij. Pasi ka parë patrullat e policisë që janë afruar 21 vjeçari ka dalë nga makina dhe ka tentuar të largohet me vrap, por është vënë në pranga. Gjatë kontrollit në makinë iu gjet një sasi e vogël lënde narkotike.
Njoftimi i Policisë:
Nuk i bindet urdhrit të Policisë për të ndalur dhe tenton të largohet, por arrestohet në flagrancë një 21 vjeçar.
Nga Specialistët për Hetimin e Narkotikëve në Drejtorinë Vendore Durrës u bë i mundur arrestimi në flagrancë i shtetasit: S.K.,21 vjeç banues në Durrës.
Shërbimet e Policisë gjatë patrullimit kanë konstatuar një automjet i cili bënte parakalime të gabuara dhe i kanë dhënë shenjë ndalimi, por drejtuesi i mjetit nuk i është bindur urdhrit të Policisë për të ndaluar dhe është larguar me shpejtësi.
Menjëherë shërbimet e Policisë i janë vënë në ndjekje, ku drejtuesi i mjeti braktisi mjetit dhe tentoi të largohej me vrap por s’ka mundur dot pasi është vënë në pranga nga Policia.
Gjatë kontrollit të ushtruar në automjet, Policia gjeti dhe sekuestroi në cilësinë e provës materiale një sasi të vogël të dyshuar lëndë narkotike kokainë.
Materialet i kaluan Prokurorisë së Rrethit Gjyqësor Durrës për veprat penale “Prodhim dhe shitje e narkotikëve” “Drejtim mjeti në mënyrë të pa rregullt” dhe “Mosbindja ndaj urdhrit të Policisë”.
