Kreu i Partisë Agrare Ambientaliste, Agron Duka ka postuar një video të realizuar 7 vite më parë nga Partia Socialiste, ku përshkruhej gjendja e bujqësisë. Në të njëjtën video, bëheshin me dije dhe premtimet për ndryshim.
Përmes një postimi në “Facebook”, Duka shkruan se shtatë vite më vonë, falë qeverisjes së “Rilindjes”, fermerë dhe blegtorë janë në prag të falimentimit.
“7 vite më vonë, pa orientim, pa subvencione, pa një program afatgjatë për zhvillimin rural dhe me bujqësinë në kolaps. Maksuti me siguri nuk ndodhet më në fshatin e tij. Pasi ose ka falimentuar, ose është larguar nga Shqipëria.
Të vetmet opsione që i ka dhënë atij partia që mbështeti 7 vite më parë”, theksoi Duka.
https://www.facebook.com/AgronDukaFaqjaZyrtare/videos/423254508309017/?t=1
Postimi i plotë:
7 vite më parë, me këtë mesazh zgjedhor, Rilindja përshkruante gjendjen e bujqësisë dhe premtonte ndryshim. 7 vite më vonë, falë qeverisjes së Rilindjes, fermerë dhe blegtorë janë në prag të falimentimit.
Për Maksutin, uji për vaditje mungon, ndërsa çështja e pronësisë së tokës nuk është mbyllur ende. Ulja e TVSH-së për imputet bujqësore u shoqërua me kundërmasën vrastare të uljes së rimbursimit të TVSH-së nga 20 në 6 %. Nafta u shtrenjtësua edhe më shumë, ndërkohë karburanti me të cilin furnizohet traktori i Maksutit ka të njëjtin çmim me të cilën furnizohet një veturë në Tiranë, apo është dy herë më i shtrenjtë se ai me të cilin furnizohet një jaht në Sarandë.
7 vite më vonë, pa orientim, pa subvencione, pa një program afatgjatë për zhvillimin rural dhe me bujqësinë në kolaps, Maksuti me siguri nuk ndodhet më në fshatin e tij. Pasi ose ka falimentuar, ose është larguar nga Shqipëria, të vetmet opsione që i ka dhënë atij partia që mbështeti 7 vite më parë.
