Një debat tepër i nxehtë ishte ai në studion e emisionit “Tempora” ku ishte i ftuar Koço Kokëdhima. Kryetari i Lëvizjes “Zgjidhja” nuk e fshehu nervozizmin duke akuzuar se Rama-Basha kanë blerë studiot televizive.
Kjo nxiti dhe reagimin e moderatores dhe autores së programit e cila ndër të tjera i tha “Më thatë jeni të blerë. Unë normalisht duhet t’ju kisha nxjerrë nga kjo studio sepse është një akuzë jashtëzakonisht e rëndë”.
Pjese nga debati:
Sonila Meco: Ndryshimi i sistemit i cili domosdoshmërish kërkon rënien e partitokracisë dhe të vijnë lëvizje të reja.
Koco Kokëdhima: Do isha shumë i lumtur t’ju shoh në krye të një lëvizjeje të re.
Sonila Meco: Nuk e bëj dot, por po ju bëj një pyetje…
Koco Kokëdhima: Ti nuk po pyet.
Sonila Meco: Më thoni pse Zgjidhja është alternativë, pse nuk thoni këtë por merreni me mua.
Koco Kokëdhima: Ne po bëjmë punën tonë dhe e bëjmë mirë. Jemi përballë këtyre dinozaurëve që i kanë marrë peng televizionet, peng studiot, emisionet. Të gjitha emisionet i paguajnë nëndorë të gjithë dhe na nxjerrin përpara gjithëlloj provokatorësh përpara. Këta Uriahipë që vjedhin popullin shqiptar ditë e natë dhe kanë akumuluar gjithë këtë pushtet dhe gjithë këtë pasuri dhe diskutojmë tani këtu që populli ka dyshime. Për kë ka dyshime populli?!
Sonila Meco: Për këtë klasë politike.
Koco Kokëdhima: Kësaj klase i jemi vënë kundër ne dhe luftojmë në mënyrë të pabarabartë me gjithë këto dinozaurë.
Sonila Meco: Prandaj ju pyes si do e bëni me këtë pabarazi.
Koco Kokëdhima: Le të ngrenë dyshimet, dyshimet janë të financuara nga pikërisht këta mafiozë që kanë mbajtur peng Shqipërinë, i financojnë edhe nëpër studio, më nxorën një maskara në një studio tjetër…
Sonila Meco: S’më intereson.
Koco Kokedhima: Në vend që të diskutojmë çështje të mëdha të vendit merremi me dyshime…
Sonila Meco: Kam që në orën 21:00 që diskutoj çështje të mëdha të vendit. Pyetjet nuk paragjykohen jam gazetare dhe do të bëj të gjitha pyetjet e nevojshme.
Ndërhyn Erjon Kristo: Nervozizëm i panevojshëm.
…
Sonila Meco: “Ju lutem respektoni studion televizive. Keni ardhur në këtë studio dhe keni bërë akuzë shumë të rëndë keni future të gjithë mediat në një thes. Më thatë jeni të blerë. Unë normalisht duhet t’ju kisha nxjerrë nga kjo studio sepse është një akuzë jashtëzakonisht e rëndë.
Koco Kokëdhima: Unë nuk bëj akuza të personalizuara. Ju folët për perceptime.
Sonila Meco: Unë jam gazetare dhe kam të drejtë të dyshoj,. Ju jeni politika, do të mësoheni me llogaridhënie zoti Kokëdhima se mund të vini nesër në pushtet. Asnjë pyetje nuk paragjykohet.
Pas orës 1:30:
