Ardian Çapja ka dalë nga reanimacioni duke i shpëtuar edhe kësaj here atentatit që kërkoi t’i merrte jetën dy ditë më parë.
Bëhet me dije se Çapja i ka kërkuar mjekëve që ta lënë të dalin nga spitali, ku ndodhet aktualisht i shtruar.
“Dua të shkoj në shtëpi dhe të ndiqem privatisht në shtëpi për gjendjen”, ka thënë Çapja, raporton News24.
Kujtojmë se para dy ditësh Çapja u plagos jashtë banesës së tij në Elbasan. Dyshohet se ai është qëlluar me snajper nga larg dhe se snajperisti është larguar me makinën që u gjet e djegur pak minuta më vonë.
Nga ana tjetër, familjarët Ardian Çapjas dhe vetë ai e kanë mohuar faktin se ndaj tij ka pasur një atentat. Sipas dëshmisë që ai ka dhënë nga spitali, Çapja u shpreh se ai është rrëzuar në banesën e tij dhe se një hekur i ka hyrë në shpatull.
Kujtojmë se ndaj tij janë bërë edhe dy atentate të tjera disa kohë më parë.
