Bamirësit i janë përgjigjur në kohë rekord thirrjes së prindërve të dëshpëruar, që djali i tyre vetëm 11 muajsh të shohë dritën e diellit.
Orges Cakrri nuk sheh që prej lindjes, dhe prindërit hasën problematikën tek djali i tyre pas vizitave kur ai ishte 2 muajsh.
Kurimi ishte i papërballueshëm për prindërit e tij, pasi të dy janë pa punë. E si të mos mjaftonte varfëria, mjerimi, lotët që derdhin për djalin, edhe babai i fëmijës është i sëmurë.
Drejtuesi i Fondacionit “Fundjavë Ndryshe”, Arbër Hajdari ka udhëtuar drejt Durrësit, aty ku ndodhet familja. Ai vizitoi nënën e babain e Orgesit, duke u dhënë lajmin se shumë shpejt i vogli do të niset drejt Turqisë. Orgesi do i nënshtrohet një operacioni në sy, për rritjen e shikueshmërisë.
