Dua Lipa nuk është një këngëtare e cila eksperimenton shumë me look-un e saj. Me një stil unik dhe të veçantë, ajo gjithmonë ka ditur të tërheqë vëmendjen e të gjithëve. Në vitin 2018 ajo vendosi t’i presë flokët shkurtë dhe prej atëherë ajo i ka qëndruar besnike këtij modeli. Por, duket se për 24-vjeçaren erdhi koha të bënte një ndryshim. Dhe çfarë mund të sjellë ndryshim në pamje më mirë sesa prerja e balukeve?
Dua duket shumë simpatike me këtë model të ri të flokëve dhe të gjithë e kanë komplimentuar për look-un. Edhe pse fansat e pyesin nëse i ka prerë vërtetë, apo bëhet fjalë për një paruke.
Përsëri stili i veçantë i Duas të bën të mendosh që çdo lloj eksperimentimi që ajo bën, do të kthehej menjëherë në trend. Dhe këtë gjë e provon më së miri prerja e balukeve, që i shkojnë shumë.
