Përpos presidentit Meta, edhe kryeministri Rama ka reaguar në lidhje me vendimin e papritur të Hashim Thaçit. Kreu i qeverisë shprehet se Thaçi ka gjithë mbështetjen e solidaritetin e Shqipërisë, në këtë betejë të radhës për Kosovën. Sipas tij, procesi absurd ndaj Thaçit, do të vulosë pastërtinë e UÇK-së dhe pamundësinë për ta rishkruar historinë e saj.
Thaçi, gjatë një prononcimi për mediat njoftoi se i është konfirmuar aktakuza nga Gjykata Speciale. Më tej Thaçi njoftoi dorëheqjen nga posti që mban, pasi dëshiron që para gjyqit të mbrojë integritetin e Presidencës së Kosovës dhe shtetit të Kosovës. Ai u ka kërkuar forcave politike që të qëndrojnë të matur, dhe të mos lejojnë thellimin e krizës kushtetuese apo institucionale, duke vënë interesat e shtetit mbi ato personale.
Statusi
Hashim Thaçi ka gjjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacënueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj.
Hashim Thaçi ka gjjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacënueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj🇦🇱🇽🇰
— Edi Rama (@ediramaal) November 5, 2020
