Analisti i njohur, Artur Zheji deklaroi se kryeministri Edi Rama e largoi kryetarin e Kuvendit Gramoz Ruçi nga Partia Socialiste, për të patur një superioritet të plotë brenda kësaj force politike. Deklarata e Zhejit, u bë ditën e sotme në emisionin ”Pikat mbi i” në News 24.
Sipas Zhejit, Ruçi u detyrua që të thoshte se po largohej me dëshirën e tij. Ndër të tjera, Zheji tha se Rama është një lexues tepër i mirë i situatave politike, dhe gjithashtu një vendimmarrës i mirë.
Artur Zheji: ”Rama konfirmon linjat e tija dhe të gjitha kundravajtjet që ka pasur brenda partisë i fshin. Ata që dolën në fund të listave ishin fshirje edhe dorëheqja e Ruçit fshirje, kjo për të pasur superioritet të plotë. Mënyrën se si Rama e sheh Shqipërinë, nuk është e ekzagjeruar të them që Rama është një lexues të mirë. Ai është lexues i mirë dhe vendimmarrës. Ato që ai lexon, i klasifikon dhe janë sugjeruese të mendimeve. Po të shohësh librat e historisë të gjitha nisin me emrat e mbretërve në fillim. Njerëzit që bëjnë punët janë të padukshëm. Pra dalin njerëz të spikatur kundër rrymës. Por më së shumti historitë e botës, janë histori mbretësh dhe sundimtarësh. Po të shohësh historinë e Shqipërisë do të shohësh që Zogu, u bë president e më pas mbret, është histori me 30 veta. Ka një garë për të historizuar veten.”
