Në një konferencë virtuale me gazetarët, kryeopozitari tha se qeveria ka buxhet për të përballuar pandeminë. Teksa u pyet në lidhje me faktin nëse do të ulej në një tryezë me kryeministrin Rama, për të diskutuar mbi mënyrën e daljes nga kjo krizë, Basha nuk kurseu bashkëpunimin. Ndodhur në kushtet kur koronavirusi ka sjellë viktima e persona të infektuar, thirrja e tij është për bashkëpunim. “Në këto kushte, nga opozita ka pasur bashkëpunimin. Të propozosh zgjidhje, është detyra jonë dhe bashkëpunimi luajal që opozita mund të bëjë për hir të interesit të qytetarëve”.
“Le të rrimë tek Kosova, Maqedonia e veriut. Për të parë se si zgjidhen problemet dhe dëshira për të ndihmuar njerëzit. Ne kemi propozuar një paketë të plotë, që ka të bëjë me aspektin e masave në shëndetësi, detyrimet e shtetit që burojnë nga shpallja e gjendjes së jashtëzakonshme.
Efektet e shtresave në nevojë, dhe se si mund të garantojmë mirëfunksionimin e institucioneve në këto kohë krize. Përgjigjja për pyetjen se ku ti gjej paratë është e qartë; anulo kontratat koncensionare 120 mln euro.
Rialoko 140 mln euro, nga shpenzimet operative, luksi, që s’janë domosdoshmëri në kohë krize. Kjo do të administronte një situatë 2-3 mujore krize.
Buxheti ka dhe rezerva të tjera për të përballuar krizën. Mos të shohim Amerikën, por Kosovën.
Në këto kushte, nga opozita ka pasur bashkëpunimin. Të propozosh zgjidhje, është detyra jonë dhe bashkëpunimi luajal që opozita mund të bëjë për hir të interesit të qytetarëve”, tha Basha.
